నిశ్శబ్ద భావ తరంగాలు

 నిశ్శబ్ద భావ తరంగాలు

నాలో నిత్యం కదిలే 

కల్లోల కడలి అలజడులు....

నిశీధి ధూమ తరంగాలు 

నాలో నిత్యం రగిలే 

జ్వాలా శైల అగ్నిశిఖలు.....

నిర్ణిద్ర ఆశా అంతరంగాలు 

నాలో నిత్యం పెరిగే 

మహా శిఖర హిమపాతాలు.....

నేను నిరతం జ్వలించే అగ్ని శిఖరాన్ని

నేను నిరతం జృoభించే హిమపాతాన్ని...

నేను నిరతం శ్వాశించే ప్రాణ వలయాన్ని...

నేను ఒకచో గాలిలో కలిసే వాయులీనాన్ని...

నేను ఒకచో మట్టిలో కలిసే మంచి ముత్యాన్ని....

నేను ఒకచో మంటలో కలిసే ముగ్ధ శిశిరాన్ని...

నేను ప్రకృతి ఒడిలో మురిసే మృదు శైశవాన్ని....

నేను ప్రకృతి ప్రతిబింబాన్ని.....నేను ఒక సుకృతిని..



పరా శ్రీ.....

కామెంట్‌లు

కామెంట్‌ను పోస్ట్ చేయండి

ఈ బ్లాగ్ నుండి ప్రసిద్ధ పోస్ట్‌లు

క్షణక్షణమూ కాలం..,

  క్షణక్షణమూ కాలం ..,   కాంతి పరిమళాలను వెదజల్లుతూనే ఉంది    వియదాకాశంలో వెలుగుల సూరీడై..   అంతర్నిహిత గానం వినిపిస్తూనే ఉంది   విశ్వాంతరాళ నిశీధపథంలో   క్షణక్షణమూ కాలం ..,  నాగలిలా దున్నుతూనే ఉంది   రాయీరప్పలంటి దేహమొహాలను  వర్షంలా పలికిస్తూనే ఉంది   అంతస్థమైన అవ్యక్త రాగాలను..   క్షణక్షణమూ కాలం .,   కొత్త కొత్త దేహాలను ధరిస్తూనే ఉంది    హేమంతశిశిర ఋతుభావాలతో   అనంతమోహన వర్ణాలతో...      క్షణక్షణమూ కాలం..,   అస్థిత్వ భాషణం చేస్తూనే ఉంది    అగుపించని అర్ధాల రంగులతో   దేహం విడిచిన ప్రశ్నలతో   కొత్త జవాబులతో ...   పరాశ్రీ...31122024   నూతన సంవత్సర శుభాకాంక్షలతో..
మరింత చదవండి

వేణుగానలోల వేణుగోపాల

  వేణుగానలోల వేణుగోపాల ముక్తిగానలీల చేయ రావేలా   అధర మధురము నీ మూర్తి గానము వదన మధురము   నీ కీర్తి గానము సకల మధురము నీ భావ గానము సర్వ మధురము నీ లీల గానము   వేణు గాన లోల వేణు గోపాల ముక్తి గాన లీల చేయ రావేలా   హృదయ మధురము నీ రాస లీల మదన భరితము నీ ప్రేమ లీల తత్వ చరితము నీ జార లీల ముక్తి మార్గము నీ చోర లీల   వేణు గాన లోల వేణు గోపాల ముక్తి గాన లీల చేయ రావేలా.. పరాశ్రీ 05.01.2022
మరింత చదవండి

నేనొక నవకిసలయాన్ని...

  ఒక చిరునవ్వు, ఒక ఉదయాన్ని శాసిస్తుంది ఒక జీవితాన్ని నడిపిస్తుంది. ఒక ప్రాణాన్ని బ్రతికిస్తుంది. ఒక ఉదయాన్ని శ్వాసిస్తుంది ఒక ఉదయం, చిరునవ్వును స్వాగతిస్తుంది జీవితపుటాశలను బ్రతికిస్తుంది ప్రాణాల ఉనికిని నడిపిస్తుంది ఒక చిరునవ్వును శ్వాసిస్తుంది నాకెన్నో ఉదయాలున్నాయి అన్నే అస్తమయాలూను. ఒక చిరునవ్వు నవ్వడానికి జీవితాన్ని గాఢాలింగనం చేసుకోడానికి ప్రాణాన్ని బ్రతుకు నిండుగా శ్వాసించడానికి ఉదయపు పుష్యరాగాలను సాయంసంధ్యా పగడపు దీవులుగా మలచుకోడానికి... నాకింకా ఎన్నో వేకువ కువకువలట్లే ఉన్నాయి ప్రకటిత పాండుర సాంధ్యరాగాలుగా... ఎన్నో ఉషస్సులట్లే ఉన్నాయి నిజనీరవ నీలిమధురిమ నిశీధ గమకాలై.. ఎన్నో ప్రభాతాలట్లే ఉన్నాయి మేలి మనోహర గీతాలై. ఎన్నో వెన్నెలలట్లే ఉన్నాయి మరుజనిత విరహరావాల గానాలై.. ఒక రోజును కాలాంతమంతా జీవించడానికి ఒక జీవితకాలాన్ని ఒక్క రోజులోనే జీవించడానికి.. నేనిప్పుడు ప్రభవించిన కవిని నేనెప్పుడూ ప్రభవించే రవిని... నేను కాలం ప్రసవించిన గవినిని నా పయనం నానాటికీ నవీనం నా ప్రభవం నవీన పయనం.. నేనొక నవకిసలయాన్ని...   ...
మరింత చదవండి